Tras estos meses traballando en diversas actividades, conseguimos alcanzar un maior dominio dos diversos programas, recursos e aplicacións propostos pola docente.

En primeiro lugar tivemos que realizar un proxecto educativo no cal introducimos e presentamos o noso tema de traballo, a auga. Neste proxecto propusimos unha serie de actividades a través das cales traballamos os contidos do tema e curso elexidos.  Tamén engadimos o xeito de avalialas actividades xunto cos recursos precisos.

Posteriormente, fixemos unha busca e análise de diversas webs institucionais educativas para docentes, discentes e familias. A continuación fixemos o mesmo con portais educativos, tamén para mestres, alumnos e familias.

Tras ter rematados estes puntos comezamos coa realización das actividades con programas como Edilim, PDI e JClic. Neste punto da materia foi cando comezamos a dominar estes programas.

Tamén realizamos unha webquest seguindo o deseño dunha que atopamos previamente.

A continuación realizamos un breve análise dunha serie de debuxos animados, unha película de debuxos animados e dun spot publicitario, traballando os elementos da imaxe, as perspectivas, etc. tema que traballamos cunha presentación nas clases teóricas.

Finalmente realizamos un cartel cun mapa conceptual acerca do noso blog que sirve como resumen do feito na materia.

En conclusión, pensamos que esta materia  pode ser útil á hora de deseñar actividades interactivas que faciliten a aprendizaxe e a motivación dos nosos alumnos.

A continuación engadimos unha imaxe dunha gota de auga saltando e cos brazos en alto que simboliza a nosa satisfacción tras rematar todas as tarefas.